Bi pertsona hil dira azken orduetan Gipuzkoako adinekoen egoitzetan, biak ere Aretxabaletako Debagoiena GSR-eko egoiliarrak. Pandemiaren bigarren olatua hasi zenetik, abuztuaren 11tik, 126 pertsona zendu dira koronabirusagatik Gipuzkoako egoitzetan.
Foru Aldunditik jakinarazi dutenez baita ere, momentu honetan 84 kasu daude aktibo bailarako egoitzetan: 82 Aretxabaletakoan eta bi, atzo bezala, Oñatiko San Martin egoitzan.
Aita Menni ospitalea
Aita Menni ospitalean, bestalde, pertsona bakarrak du koronabirusa. Ospitaletik aditzera eman dutenez, asintomatikoa da eta ospitaleko COVID unitatean dago isolatuta.
