Bost kasu berri baieztatu dituzte Aretxabaletako egoitzan azken bi egunetan, eta azken datuen arabera, 85 dira COVID-19a duten egoiliarrak. Bestalde, GSRko egoiliar bat ere zendu da, gaitza dela-eta.
Oñatiko San Martin egoitzan, berriz, beste egoiliar batek eman zuen positibo abenduaren 23an, eta bi dira bertan dauden kasu aktiboak.
Bestetik, Arrasateko Benito Mennin ere positibo aktibo bat egon dela jakinarazi du Aldundiak, baina azken orduetan sendatu egin da; hortaz, azken berrien arabera, ez dago kasu aktiborik jada.
Kasu gehien, Aretxabaletan
Gipuzkoako adinekoen egoitzei erreparatuta, Aretxabaletan daude positibo aktibo gehien (85), eta atzetik ditu Errenteriako Sanmarkosene (28) eta Donostiako Hermano Garate (22). Guztira, Gipuzkoa osoan, 158 egoiliar daude kutsatuta, atzora arte egindako jarraipenaren arabera.
