Osasun sailak jakinarazi duenez, atzo EAEn egindako 9.542 testetan 427 positibo atzeman zituzten; proben %4,5. Lurraldeka guztiek behera egin dute; hala, Araban 79 kutsatu hauteman dituzte, Bizkaian 181, Gipuzkoan 160 eta EAEtik kanpo bizi direnen artean 7. Bestalde, herriz herriko datuak astelehenean eguneratuko dituzte.
Positibo tasa zertxobait jaitsi da EAEn, martitzenean %4,9an kokatzen zen eta gaur %4,5ean. Ospitaleen egoerari dagokionez, COVID-19a duten 41 pertsona ospitaleratu zituzten atzo, eta 85 pertsona ZIUn daude.
Nafarroan egoera bestelakoa da eta datuek gora egin dute azken orduetan. 124 positibo atzeman dituzte, aurreko bi egunetan 70 eta 79 izan ziren baieztatutako kasuak. Ondorioz positiboen tasa ere igo egin da, %6,4ra. Gainera, beste hiru pertsona hil dira Nafarroan, koronabirusaren eraginez.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.