Gizaker-ek abiatutako inkestaren erantzunak mahai-gaineratu ditu gaur Eider Mendoza bozeramaileak, eta COVID-19aren aurrean 1.200 gipuzkoarrek dituzten arazo-iturri nagusiak eta kezkak azaldu ditu.
Inkestek erakutsi dute pandemiaren ondorio ekonomikoak direla gipuzkoarrak gehien kezkatzen dituena. Ehunekoei erreparatuta, %25,3k uste du COVID-19 gaitza dela egungo arazo nagusia; %21,5ak, langabezia eta enplegua bultzatzea; %11,5ak, krisi ekonomikoa; %4,3k osasuna, %3,9k Osakidetzan hobekuntzak egitea; eta %2,3k adostasun politikoa. Pandemiaren atzetik, klima larrialdia, genero berdintasuna edota gizartearen zahartzea dira gipuzkoarren kezkak.
Bi urtetan, aldaketarik ez
Bestetik, inkesten arabera, herritarren %59,8k uste du pandemia gainditu ostean, lehengo normalitatera itzuliko direla. Nolanahi ere, bataz beste, horretarako bi urte beharko direla uste dute.
