"Baheketaren helburua da Debagoieneko komunitate-transmisioa geldiaraztea. Hori horrela, gaur ere lanean jarrituko dugu. Gaur gaurkoz, 16.707 pertsonek hartu dute ordua PCR froga egiteko –Astelehenetik egubakoitzera bitartean, batzuk dagoeneko egin dute PCR-a–, Arrasateko ikastetxeak eta unibertsitateak barne", Debagoieneko Ospitaletik adierazi dutenez. Hala, gaur, unibertsitateko ikasleen partaidetza handitzeko asmoz, 20 profesional bideratuko dituzte bertara, ikasleei eta irakasleei frogak egiteko.
Harremanetan jartzeko
"Azpimarratu nahi dugu bigarren olatu honetan, inzidentzia handiena 10 eta 40 urte bitartekoen artean egon dela, eta, hain zuzen ere, adin-tarte horretan ari gara parte-hartze gutxien izaten. Beraz, herritarrei dei egin nahi diegu gurekin harremanetan jartzeko. Horretarako, Arrasateko Osasun Zentrora 943 03 52 50 edo Osarean-era 900 20 30 50 deitu dezakete".
Ospitaletik gaineratu dutenez, beharrezkoa bada, egun gehiago jarriko dituzte asintomatiko positiboak direnek, familiako eta gertukoei transmititzen ez jarraitzeko. "Guztiok elkarrekin eta adin ezberdinetako herritar guztien ahaleginarekin, hobeto eginahalko diogu aurre hirugarren olatuko eraginei".
