Astean zehar egunetik egunera atzemandako kasuen kopuruak gora egin ostean, atzo joera hautsi eta bezperan baino koronabirus kasu gutxiago atzeman zituzten Hego Euskal Herrian; 557 guztira. Hori bai, horiek atzemateko egindako PCR eta antigeno probak ere gutxiago izan ziren: herenegun 10.854 egin zituzten eta atzo, 9.473. EAEn egindako proben %6ak eman zuen positibo; Nafarroan, %5,2ak
Lurraldeka, guztietan egin zuen behera atzo agertu ziren koronabirus kasu berrien kopuruak: Bizkaian 216 atzeman zituzten; Gipuzkoan, 149; Araban, 96; eta Nafarroan, 93. Gainerako hiru kasuak EAEn atzeman arren, beste erkidego batzuetako herritarrak dira
Hego Euskal herriko ospitaleetan 133 pertsona daude ZIUn COVID-19a dela eta, bezperan baino bat gutxiago.
