Atzo Lehendakariak egin zuen agerraldian, erabat argitzeke geratu zen kutsatze-tasa altua duten 5.000 biztanle baino gutxiagoko herrietan tabernek ateak ireki ote zitzaketen edo ez. Nolanahi ere, komunikazio agentziek eta zenbait komunikabidek aurreratu dutenez, buletinaren zirriborroan dio herri txikietan tokian tokiko azterketak egingo direla erabakia hartzeko; hau da, herriaren egoera epidemiologikoa hartuko dutela kontuan.
Horrenbestez, ondoriozta daiteke, COVID-19aren agerraldiak badaude edo bilakaera epidemiologikoak txarrera eginez gero behartuko dituztela tabernak ixtera. Dena den, bihar argitaratuko den buletinean argituko dituzte xehetasunak.
