Egubakoitzean egin zituzten PCR probetatik (8.041 proba) 520 positibo baieztatu ditu Eusko Jaurlaritzako Osasun Sailak. Hau da, egindako proben %6,5 a izan ziren positiboak. Nafarroan, 1.675 PCR proba egin zituzten atzo, eta horietatik 99 izan dira positibo. Nafarroako positiboen tasa, beraz, %5,9an kokatu da.
Lurraldeen arabera, 90 positibo baieztatu dituzte Araban, 233 Bizkaian eta 196 Gipuzkoan. Gainera, Euskal Autonomia Erkidegotik kanpoko beste kasu bat ere atzeman dute.
Ospitaleen egoerari dagokionez, COVID-19aren ondorioz 33 pertsona ospitaleratu zituzten atzo, eta gaitza duten 130 pertsona daude ZIUn gaur gaurkoz.
