Atzo egindako probek herenegun baino hiru kasu gehiago atzeman dituzte bailaran, eta hainbat udalerritako zenbateko metatua borobildu dute. Oñatin, 500 dira gaitza hartu duten herritarrak eta Elgetan berriz, 40.
Bestetik, Debagoieneko datuak ehunekotan banatuz gero, Arrasate da gaztaren zati handiena hartzen duen herria (%46,1), baina atzetik ditu Bergara (%20,2), Oñati (%13,7) eta Aretxabaleta (%10,6).
Bestetik, hona hemen atzo erregistratutako datuak biltzen dituen mapa:
>Grafiko guztiak modu interaktiboan ikusi hemen.
Hego Euskal Herrian berriz, atzo 10.062 PCR eta antigeno proba egin ziren, eta 553 kasu atzeman zituzten. Beste modu batera esanda, %5,6k eman zuen emaitza positiboa EAEn (herenegungo ehuneko bera da) eta %4,8k Nafarroan. Lurraldeka, 222 positibo izan ziren Bizkaian erregistratutakoak, 186 Gipuzkoakoak, 71 Arabakoak, 67 Nafarroakoak eta zazpi bestelako lurraldeetan erroldatutakoen artekoak.
Ospitaleei erreparatuta, 49 lagun ingresatu zituzten atzo erkidegoan, eta 688 pertsona daude guztira erietxeetan. Halere, oraindik ZIUn dauden pertsonak 166 dira.