'Kantatzen duen herri bat' mahai-ingurua egingo du Arizmendik, Nogen eta Laukatu taldeetako kideekin

Euskal kantagintzaren bueltako mahai-ingurua antolatu du Arizmendi ikastolak gonbidatu bereziekin, Nogen taldeko Eider Saez eta Alex Irazusta eta Laukatu taldeko Aritz Mendiola eta Xabier Bengoa. Gaur, astelehena egingo dute, 14:45ean hasita, eta zuzenean jarraitu ahal izango da streaming bidez, Arizmendiko Youtubeko kanaletik.

Euskaraldia aitzaki hartuta antolatu dute mahai-ingurua Arizmendi ikastolako BATUko arduradunek DBHko 1. mailakoek landuko duten PROIaren izenburuarekin: Kantatzen duen herri bat. Horren helburua da euskal musikaren egungo egoera aztertzea, horren jatorriaren eta historiaren errepasoa eginez. Zuzenean parte hartzeko eta sortzen diren galderak partekatzeko aukera izango da txat bidez.

Mondragon Unibertsitateko Humanitate eta Hezkuntza Zientzien fakultatearekin lankidetzan grabatuko dute mahai-ingurua, hango platoan. Eta saioa, Artemaneko Gorka Etxabek zuzenduko du.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.