TU Lankidek webgunearen bertsio eguneratua aurkeztu du

Diseinu eguneratua, nabigazioa errazten duen edukien berrantolaketa eta tresna digitalen bidezko proposamen berriak dira egin dituzten berrikuntza nagusiak.

Webguneak nobedade ugari ditu eta horietako bat podcast baten sorrera da. Atal hori Nagore Ipiña Mondragon Unibertsitateko Giza Zientzien Fakultateko dekano izendatu berriarekin estreinatu da eta horrez gain, streaming bidezko emankizunak ere gehitu dira. Bestalde, atalen egituraketa sinplifikatu dute sekzio berri eta ohikoetarako sarbidea errazteko asmoz. 

Ikus-entzunezko edukien aldeko apustua ere egin dute, bideo formatua eta edukiei lotutako sare sozialen plataformen garapena bultzatuz, hala nola Flickr, Instagram, Youtube edo Twitter. Nabigazioa koherenteagoa dela ere azpimarratu dute, bertsio hau edozein gailutatik (mugikorra, tableta edo idazmahaia) bisita daitekeen webgunea delako. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.