Herriz herriko errepasoa eginez gero, 88 positibo atzeman dira Arrasaten azken hiru egunetan, eta 1.000 kasu metatuen langa gainditu du. Bergaran, 46 kasu baieztatu dira, Oñatin 33, Aretxabaletan hamaika, Eskoriatzan zortzi, launa Aramaion eta Antzuolan, eta bakarra Elgetan.
| HERRIA | ASTEBURUKO DATUA | DATU METATUA | 1.000 BIZTANLEKO |
| Arrasate | +88 | 1.011 | 45,83 |
| Bergara | +46 | 642 | 42,79 |
| Oñati | +33 | 382 | 39,32 |
| Aretxabaleta | +11 | 222 | 31,28 |
| Eskoriatza | +8 | 100 | 24,60 |
| Aramaio | +4 | 35 | 23,24 |
| Antzuola | +4 | 122 | 55,43 |
| Elgeta | +1 | 28 | 24,60 |
| Leintz Gatzaga | 0 | 1 | 4 |
| GUZTIRA | +195 | 2.543 | 39,32 |
Egubakoitzean egindako probetan 66 kasu hauteman zituzten; Arrasate (29) Bergara (14), Oñati (11), Aretxabaleta (5), Eskoriatza (4), Aramaio (1) eta Antzuola (1) eta Elgetakoa (1) batuta. Zapatuan, bestalde, 79 izan ziren guztira; Arrasatekoak (35) Bergarakoak (19), Oñatikoak (15), Aretxabaletakoak (4), Eskoriatzakoak (4), eta Antzuolakoak (2) gehituta. Bukatzeko, atzoko probek 50 kasu hauteman zituzten; Arrasate (24) Bergara (13), Oñati (7), Aramaio (3), Aretxabaleta (2) eta Antzuola (1) batuta.
>Grafiko guztiak modu interaktiboan ikusi hemen.
Hego Euskal Herrian, 195 lagun ZIUn
Hego Euskal Herriko ospitaleen datuak agitaratu dituzte: guztira, 1.024 lagun daude ospitaleratuta eta horietatik 195 daude Zaintza Intentsiboetako Unitateetan. Bestetik, esan behar da atzo 46 pertsona ingresatu zituztela.
Kutsatzeei dagokienez, atzo 14.268 PCR eta antigeno proba egin ziren, eta horien %9,8k eman du emaitza positiboa EAEn, eta %8,15ek Nafarroan; 1.360 probak, alegia. Lurraldeka, 620 kasu baieztatu dituzte Bizkaian, 478 Gipuzkoan, 182 Nafarroan, 69 Araban eta hamaika bestelako lurraldeetan erroldatutakoen artean.
EAEko ikastetxeetako datua ere jakinarazi du gaur Jaurlaritzak, eta azken berrien arabera, 192 ikasgela daude itxita, 115 ikastetxetan. Kontuan hartu behar da, 2020-2021 ikasturtean, Euskal Hezkuntza Sistemak 17.554 ikasgela dituela guztira, eta hortaz, momentu honetan, itxitako ikasgelen kopurua gela guztien % 1,09 da.
