Osasun sailak jakitera eman duenez, atzo 12.061 proba egin zituzten EAEn –aurreko egunean baino 4.786 gutxiago– eta horietatik 1.151k eman zuten positibo –aurreko egunean baino 351 gutxiago–. Gipuzkoan erregistratu dituzte positibo berri gehien, 587 zehazki. Bizkaian 451 hauteman dituzte, 97 Araban eta beste erkidego batzuetako 16 kasu.
Ospitaleen egoerari dagokionean, COVID-19aren ondorioz 47 pertsona ospitaleratu ziren atzo, eta une honetan Koronabirusa duten 97 pertsona ZIUn daude.
Nafarroaren kasuan 3.892 proba egin zituzten atzo, zapatua, eta horietatik 434 izan ziren positiboak - atzo baino 146 gutxiago dira -. Positibotasun tasari dagokionez, azken orduetako datuekin %11,2ko da positibitate tasa.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.