Egubakoitzetik atzora arte egindako PCR probek 136 positibo baieztatu dituzte bailaran. Datu orokorretan, 56 atzeman dira Arrasaten, 47 Bergaran, hamahiru Oñatin, bederatzi Antzuolan, zazpi Aretxabaletan, bi Aramaion eta bana Elgetan eta Eskoriatzan. Halere, intzidentzia datua hobetu da hainbat herritan, izan ere, aurreko astean erregistratutakoak baino kutsatze gutxiago egon dira. Antzuola, Aramaio, Elgeta, Eskoriatza eta Oñati izan dira hobetu direnak; nahiz eta Oñatik oraindik gorriz jarraitu. Bestetik, okerrera egin dute Aretxabaletak, Bergarak eta batez ere, Arrasatek. Gainera, horri lotuta, Aretxabaleta horiz egotetik laranjaz egotera igaro da.
Errepasoa egunez egun eginez gero, egubakoitzean 45 positibo batu zituzten Arrasatek (22), Bergarak (10), Oñatik (7), Aretxabaletak (4) eta Antzuolak (2). Zapatuan aldiz, gora egin zuten; 55 bildu zituzten Arrasatek (22), Bergarak (19), Antzuolak (5), Oñatik (5), Aramaiok (2) eta Aretxabaletak (2). Atzo, behera egin zuten berriz, eta 36 izan ziren guztira, bailarako herrietan: Bergaran (18), Arrasaten (12), Antzuolan (2), Elgetan (1), Eskoriatzan (1) eta Oñatin (1).
Honako mapa honetan daude, besteak beste, azkenengo datuak, positibo metatuak eta koloreztatuta agertzen da, Osasun Sailaren arabera, 5.000 biztanletik gorako herrietan dagoen intzidentzia datua:
>Grafiko guztiak modu interaktiboan ikusi hemen.
Azken hamalau egunetako datuak herririk herri.
| Arrasate | Bergara | Oñati | Aretxabaleta | Eskoriatza | Antzuola | Aramaio | Elgeta | Leintz Gatzaga | |
| Urriak 12 | 1 | 1 | 7 | 0 | 0 | 6 | 0 | 1 | 0 |
| Urriak 13 | 6 | 1 | 2 | 0 | 1 | 0 | 1 | 0 | 0 |
| Urriak 14 | 4 | 5 | 8 | 2 | 1 | 5 | 0 | 0 | 0 |
| Urriak 15 | 4 | 10 | 16 | 0 | 0 | 5 | 0 | 0 | 0 |
| Urriak 16 | 6 | 0 | 2 | 0 | 0 | 7 | 0 | 0 | 0 |
| Urriak 17 | 13 | 5 | 7 | 3 | 0 | 2 | 1 | 0 | 0 |
| Urriak 18 | 6 | 4 | 3 | 1 | 0 | 1 | 0 | 0 | 0 |
| Urriak 19 | 11 | 3 | 2 | 0 | 1 | 8 | 1 | 0 | 0 |
| Urriak 20 | 7 | 8 | 5 | 3 | 1 | 0 | 0 | 0 | 0 |
| Urriak 21 | 22 | 7 | 4 | 3 | 0 | 3 | 3 | 1 | 0 |
| Urriak 22 | 18 | 17 | 12 | 3 | 3 | 2 | 0 | 1 | 0 |
| Urriak 23 | 22 | 10 | 7 | 4 | 0 | 2 | 0 | 0 | 0 |
| Urriak 24 | 22 | 19 | 5 | 2 | 0 | 5 | 2 | 0 | 0 |
| Urriak 25 | 12 | 18 | 1 | 1 | 1 | 2 | 0 | 1 | 0 |
| Inzidentzia tasa | 698,16 | 719,81 | 713,34 | 309,95 | 196,80 | 2.180,83 | 531,21 | 351,19 | 0 |
Neurri murriztaile berriak
Gaur goizean, Iñigo Urkullu Lehendakaria Espainiako Gobernuarekin batu da presidente autonomikoen bileran, eta bertan hiru gai mahaingaineratu ditu. Alde batetik eskatu du Europako Batzordearen irizpide orokorrak argitzeko, eta horri lotuta proiektuen ebaluazioa, jarraipena eta gauzatze-kontrola egiteko sistemak ezagutarazteko. Eta era berean, Madrili begira, Espainiako Gobernuak abian jarriko dituen tresnen eta irizpideen inguruko argitasuna eskatu du.
Neurri berriei dagokienez, gaur arratsaldean egingo dute agerraldia, EAE herritarrek bete beharreko arauak azaltzeko.
Hego Euskal Herriko datuak, osatzeke
Osasun Sailek datu guztiak jakinarazi ahala eguneratuko da albistea.
