Atzo Hego Euskal Herrian egindako 9.513 PCR probek 608 positibo atzeman zituzten: 272 Nafarroan, 168 Bizkaian, 112 Gipuzkoan, 52 Araban eta 4 bestelako lurraldeetan erroldatutakoen artean. Debagoienean, hiru izan ziren hautemandakoak; irailaren 19tik erregistratutako zenbateko txikiena izan da.
Arrasaten, atzemandako bi positibo berriekin, dagoeneko 563 dira pandemia hasi zenetik kutsatutakoak, eta Aretxabaletan, berriz, azken kasuarekin 142 erregistratu dira orain arte.
Hego Euskal Herriko erietxeetako egoerari erreparatuz, 50 lagun ospitaleratu zituzten atzo, eta guztira, azken datuen arabera, 529 daude ingresatuta; horietatik 580, ZIUn. Bestetik, Nafarroan sei lagun zendu ziren atzoko egunez.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.