8.579 PCR proba egin zituzten EAEn eta horietatik 442 kasu izan ziren positiboak, %5,15 hain zuzen ere. Ospitaleei dagokienez, 39 pertsona ospitaleratu behar izan dituzte azken orduetan, eta gaur egun 56 lagun daude Zaintza Berezien Unitateetan. Herrietako kasuak eta oinarrizko birsorkuntza indizea astelehenean eguneratuko dituzte.
Nafarroan, ostera, 2.953 PCR egin zituzten atzo eta horietatik 245 kasu positibo atzeman; portzentaiari dagokionez, %8,29. 31 lagun ospitaleratze berri izan ziren, eta gaur egun 209 pertsona daude COVID-19a dela eta Nafarroako ospitaleetan, horietako 25 ZIUn.
