Bihar, hilak 25, zaparrada ertain eta trumoitsuak izango dira nagusi kantauri isurialdean. Segurtasun sailak adierazi duenez, arriskua "handia" izan daiteke eta ondorioz, abisu horia ezarri dute 00:00tik 24:00etara. Kantauriar isurialdeko zenbait tokitan, 00:00tik 18:00etara, 15 litro pila daitezke metro karratuko eta Gipuzkoako ekialdean, berriz, 50-60 litro metro karratuko.
Haizeari dagokionez, ipar-mendebaldeko haize-boladak 60-80 kilometro orduko izatera heldu daitezke, bereziki eguerdi aldean. Kostaldean, aldiz, 100 kilometro orduko abiadurara heldu daitezke.
Kostaldean, abisu laranja
Egun arriskutsua izango da biharkoa kostaldean, nabigatzeko zein bainu bat hartzeko. Olatuen altuera 4 metrotik 5 metrora oso bizkor igoko da eta ipar-mendebaldeko haizea ibiliko da, 6-7ko indarrarekin.