Euskaraldiak hezkuntza komunitatearen jardunean hizkuntza ohiturak lantzeko eskaintzen dituen aukerak azpimarratu eta euskararen erabilera dinamizatzeko haur eta nerabeen garrantzia nabarmendu dute prentsaurrekoan parte hartu duten eragile guztiek.
Unitate didaktiko hauek Haur Hezkuntza, Lehen Hezkuntza, Derrigorrezko Bigarren Hezkuntza, Batxilergoa eta Lanbide Heziketarako prestatu dituzte eta 3 fasetan banatu dituzte: lehena, Euskaraldia baino lehen burutuko da, egitasmoa girotu eta kontzeptuak ezagutzeko. Bigarren fasea, Euskaraldiak iraun bitartean izango da, besteak beste bidean ager daitezkeen oztopoak aztertzeko eta azken fasea, Euskaraldia amaitutakoan gauzatuko da.
Unitate hauek hezkuntza ez-formalera egokitzeko ahalegin handiak egin dituztela azpimarratu nahi izan dute. Asmo horrekin garatu dute Irria aldizkariaren ale monografiko bat eta Lehen Hezkuntzako unitateetan txertatu dute tresna pedagogiko gisa.