Gipuzkoako Batzar Nagusietako Bide Azpiegituretako batzordearen aurrean aurkeztu du Oiarbide diputatuak Beasain eta Bergara arteko errepidearen kanona arautuko duen Foru Arauaren proiektua. Halere, oraindik Batzar Nagusiek berretsi beharko dute ordainketa-erregimena.
Diputatuak beste behin esan du bidesaria ezartzea neurri "erakinkorrena, bidezkoena eta koherenteena" dela, Batzar Nagusien gehienagoak onartutakoarekin zein Europako arauekin: "Kanona ezartzeak aukera emango du, aldi berean, eraikuntzak, mantentzeak, kontserbazioak eta ustiapenak eragindako kostuak ikusarazteko, azpiegitura erabiltzen dutenei helarazteko, barneko lurralde-orekako faktoreak sartzeko eta gure errepideek dituzten kontserbazio- eta kudeaketa-kostu handiei aurre egiteko".