Bihar, hilak 29, zaparrada trumoitsuak izango dira nagusi Bizkaian eta Gipuzkoan, eta horrek eragin dezakeen arriskuagatik, abisu horia ezarriko da 06:00etatik 24:00etara.
Segurtasun Sailak azaldu duenez, kantauri isurialdeko zenbait tokitan, ordubetean 15 litro pila daitezke metro karratuko. Zaparradak ertainak eta trumoitsuak izango dira, eta egunaren bigarren partean iritsiko dira batez ere Debagoienera.
Itsasaldean ere, abisu horia
Kostaldean ere ez da giro izango zapatuan, eta batez ere egun arriskutsua izango da bainua hartzekotan edo nabigatzeko asmotan zeudenentzat. 2 eta 2,5 metro inguruko olatuak izango dira, ipar-mendebaldeko hondoko haizeak eraginda, eta haize-ufadek 4-5eko indarra izango dute, itsaskia edo itsaski handia eraginez.