EAEko positibo gehienak, beste behin, Bizkaian atzeman dira: 363. Gipuzkoan 215 izan dira eta Araban 96. EAEtik kanpo bizi diren herritarren artean 26 izan dira positiboak.
Ospitaleen egoerari dagokionez, azken datuen arabera, 197 pertsona daude ingresatuta. Horietatik, 30 azken 24 orduetan ingresatutakoak dira. Bestalde, 30 dira ZIUn daudenak.
Adinekoen egoitzetako egoera
Azken 24 orduetan Gipuzkoako sarea osatzen duten adinekoen egoitzetako egoiliarren artean ez da positibo berririk hauteman. Baina, zentro horietako langileen arten hamazazpi dira kutsatutakoak.
Hori horrela, erabiltzaileen irteerak aldi batera eten dira Gipuzkoako egoitza batzuetan. Positiborik ez dagoen zentro guztietan bisita normaltasunez egin daitezke, izan adinekoen egoitzak edo eguneko zentroak.
Era berean, Arrasateko Aita Menni Ospitaleko gizarte-unitateak itxita daude prebentzioz.
Eusko Jaurlaritzaren Gizarte Politiken sailak kaleratu duen oharrean azpimarratzen da Gipuzkoako gizarte-zerbitzuen sarea osatzen duten zentroetan 7.810 PCR proba egin dituztela, abuztuaren 21era arte.