Egun, Espainiako Gobernuak dauka alarma-egoera ezartzeko eskumena. Baina, erkidegoren baten horren beharra izango balu, Espainiako Gobernuak duen aginte bakarra zabaldu egingo litzateke, "elkarrekin gobernatzeko borondatea erakutsiz", esan du Sanchezek. Eta gaineratu du alarma-egoera eskatzen duen erkidegoko presidentearekin batera joango litzatekeela parlamentura, arrazoi-sanitarioak azaltzeko, eta beharrezkoak liratekeen luzapen eskaerak egiteko.
Indar armatuen arakatzaileak
Era berean, gaurko agerraldian, Sanchezek esan du, COVID-19aren tendentzia negatiboa menderatzen laguntzeko, Armadako 2.000 kide ipini dituela erkidegoen esku, arakatzaile lanak egiteko.
