Donostiako Hermano Garate zentroko egoiliarra zen hildakoa. Hori horrela, bi pertsona hil dira azken asteotan, birusak jota. Bestalde, azken orduetan egindako probatan, beste bi positibo atzeman dira Gipuzkoako zaharren-egoitzen sarea osatzen duten zentroetan. Egun, zazpi dira diagnostiko positiboa dutenak.
Zazpi horietatik sei Eibarko Ospitaleko solairu soziosanitarioan daude, eta bestea, ospitaleko arreta behar duenez, eta Donostiako Unibertsitate Ospitalean dago. Egun birusa duten egoiliar guztiak zentro bereko eta, egoitza barruan, sektore bereko egoiliarrak dira.
Bestalde, Zaintza eta Alerta Sistemaren esparruan, Gipuzkoako Foru Aldundiak 7.810 PCR proba egin ditu azken asteetan, abuztuaren 21era arte: 3.035 egoiliarren artean, 2.818 langileen artean eta 1.957 eguneko zentroetako erabiltzaileen artean. "Birusaren aurrerapena denbora errealean ezagutzea eta zaintzea da helburua, eta horrela, gizarte baliabideak eta zerbitzuak indartzen jarraitzeko neurri egokiak hartzea", zehaztu du foru bozeramaile Eider Mendozak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
