Datuen tendentzia, okerrera doana, ospitaleratzeetan ere antzematen da. Azken 24 orduetan 35 pertsona ingresatu dituzte EAE-ko ospitaleetan eta hiru Nafarroakoetan.
Agerpen berriek ere ez dute etenik. Tuterako eta Errenteriako zaharren etxe banatan hainbat kasu hauteman dituzte, egoiliarren eta langileen artean. Bestalde, abuztuaren 14aren eta 17aren artean, Gernikako taberna konkretu batean egondako herritarrak PCR probak egitera deitu dituzte. Gaur, abuztuak 24, hasiko dira probak egiten. Egun horietan Gernikan egondakoek 900 20 30 50 telefonora deitu beharko dute.
Bestalde, Donostian, hamabost taberna itxi dituzte Amara auzoan, erdialdean, Grosen eta Alde Zaharrean, baina Osasun Sailak ez du PCR probak egiteko beharra azpimarratu.