Nekane Murga Osasun Sailburuak baieztatu du koronabirusaren pandemiaren "bigarren olatua" gainean dagoela, eta "goranzko joerarekin". Hori horrela, igerilekuetan, parkeetan, hondartzetan eta plazetan haurrek elkarren arteko kontakturik ez edukitzea eskatu du.
Gaurko agerraldian irailera begira ipini da bete-betean Murga sailburua. Hilabete "zaila" izango dela esan du, "guztion erantzukizuna" eskatu du eta "burbuila txikiak" sortzeko dei egin du. Osasuna zaintzeko eta COVID-19aren hedapena saihesteko harremanak murriztu behar direla esan du. Bereziki, haurrengan ipini du fokua. "Ezinbestekoa da harreman-talde txikiak bilatzea eta sortzea. Elkarrekin bizitzeko eta gozatzeko. Birusari talde eta pertsona berrietara heltzeko aukerarik ez diogu eman behar", esan du sailburuak.
"Txertoa zeu zara!" esanez bukatu du agerraldia.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
