Uztailaren 3az geroztik ez zen kasurik atzematen Gipuzkoako zaharren egoitzetako egoiliarren artean. Aldundiak gaur jakinarazi du, ordea, asintomatikoa den positibo bat detektatu dutela Donostiako egoitza batean. Eibarko ospitalera eraman dute, Gipuzkoako zahar etxeetan atzematen diren positiboak artatzeko gune berezira. Prebentzio moduan egiten diren PCR probetan detektatu dute kasua, eta zahar etxe bereko bi langilek ere eman dute positibo; guztira 10 dira egun birusa duten langileak. Gainerako egoiliarrei eta langileei ere egin diete testa, baina negatiboak izan dira guztiak. Kasuen ondorioz, bertan behera geratu dira Donostiako zahar etxe horretako egoiliarren irteerak.
Bailarako zaharren egoitzetan ez da atzeman positiborik
Gizarte Politiketako Departamentuak gaur jakinarazi du Donostiako Hermano Garate zaharren egoitzako egoiliar batek positibo eman duela. Egoitzan bizi diren edo lan egiten duten pertsona guztiei egin diete PCR probak, eta bi langilek ere positibo eman dute. Debagoieneko egoitzetan, aldiz, ez da kasu positiborik atzeman.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
