Kate Middletonek berriro egin du Amaia Arrieta bergararraren diseinuen aldeko apustua. Oraingo honetan familia osoarendako maskarak eskuratu ditu. Cambridgeko dukesak egin duen lehen agerraldi publikoan, Amaia Kids etxeko lore txikidun estanpatua daraman maskara jantzi du.
Amaia Arrietak (Bergara,1974), Londreseko banketxe batean zuen lana utzi, eta, lehen haurra izan zuenean, 2003an, bere denda ireki zuen Chelsea auzoan. Haurrentzat arropa diseinatzen eta saltzen hamabost urte daramatza, baina bere izena mundu osora zabaldu zen Kate Middleton Cambridgeko dukesa bezeroa zuela jakin zenean 2013an, Guillermo printzearendako arropa erosi zuenean, zehazki.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.