Atzo, 5.617 PCR proba egin ziren, eta, haietatik, 338 positiboak izan ziren. Lurraldeen arabera: 44 Araban, 233 Bizkaian, 57 en Gipuzkoan eta 4 Euskaditik kanpo bizi diren pertsonetan. COVID-19aren ondorioz 8 pertsona ospitaleratu ziren atzo, eta 5 pertsona ZIUn daude. 1,31 da gaurko R0 indizea.
Nekane Murga Osasun Sailburuak jarduera soziala murriztu egin behar dela ohartarazi du eta bi metroko distantzia mantentzea hobetsi du prebentzio neurri gisa. Martxoaren 28az geroztik kopuru altuena izan da atzo jasotako positiboena: 338.
Sailburuak herritarrei ohartarazpena egin die: "Edozein jarduera sozialetan jendea kutsatzeko arriskua dago asteon; beraz, ahal dela ez parte hartu. Datozen egunetan kutsatzeak igo egingo dira eta baita ere ospitaleratzeak. Gainera, egunero norbait sartzen da ZIUn". Oraingoz, Osakidetza ez dago kolapsaturik, baina Jaurlaritzak iragarri du solairu eta ZIU berriak prestatuko dituztela.
Nafarroan, 81 positibo
Nafarroan ere hazi egin da kopurua eta atzo 81 positibo antzeman ziren, lagun bat ospitaleratu dute; beste bat ZIUn dago.