Osasun Sailak jakitera eman duenez atzo, uztailak 30, 4.930 PCR proba egin zituzten Euskal Autonomia Erkidegoan eta horietatik 244 izan dira positiboak. Gipuzkoan 49 kasu berri atzeman dituzte eta horietatik hamar izan dira Debagoienean, bost Arrasaten eta bost Oñatin.
Positibo gehien Bizkaian hauteman dituzte, 162, Araban 29 eta EAEtik kanpoko erroldatutakoak, ostera, lau izan dira; guztira, 244.
Bestetik, gaur emandako datuetan jaso dituzte bi gaixok jarraitzen dutela ZIUn eta ospitaleratutakoak hamar izan zirela atzo. Oinarrizko birsorkuntza tasa, ostera, 1,22 da.
Nafarroan, ostera, 1.561 PCR proba egin zituzten atzo; 48 izan ziren positibo eta ospitalean ingresatutakoak zortzi.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
