Egun eguzkitsu eta beroa iragarri dute biharko. Barnealdean 35 eta 37 gradutik gorako tenperaturak nagusituko direla azaldu du Euskalmetek; kostaldean, berriz, 28 gradura iritsiko dira gehienez. Eguzki-uneak sahiesteko eta ondo hidratatzeko gomendioa luzatu dute.
Asteartean, aldaketa
Asteleheneko giro beroak ez du asteartean jarraituko. Eguraldia zeharo aldatuko da: okerrera egingo du eta tenperaturak behera egingo du barnealdean. Debagoienean, 20 graduren bueltakoa izango da giroa, eta prezipitazioak ere iragarri dituzte arratsalderako.