Aldundiak "prebentzioa, aurrea hartzea eta erantzun azkarra zorrozten" jarraitzearen garrantzia azpimarratu du bileran eta birusaren hedapenari "adi" jarraitu behar zaiola gaineratu du.
Horrekin batera, abian jarritako zaintza eta alerta sistemaren harira, honela mintzatu dira Aldundiako ordezkariak: "Ikuskapenak indartu dira, zentroetako prebentzio-planak berrikusten jarraitu da, arreta indartzeko baliabide berriak ireki dira, eta Prestakuntza Plan Integrala prestatzen ari da, egoitzetako lan-taldeak osatzen dituzten langile guztiengana iritsiko dena".
Zentroen itxiera
Azken egunetan, COVID-19 kasu positiboak dituzten eskualde eta udalerrietako zaharren egoitzak itxi egin dira, Goierrin, Debabarrenan, Tolosan, Getarian eta Zarautzen, besteak beste. Baina, orain muga horiek lurralde osora zabaldu dira.
Langileen lanari eskertza
Egoitzetako langileen lan "goresgarria" eskertu nahi izan dute Aldunditik: "Pertsona, egoiliar, langile eta familia guztien inplikazioa erabatekoa izan da eta da, guztion ahalegina oso handia da eta asko eskertzen dugu haien lana".