2.616 PCR proba egin ziren atzo eta horietatik 19 kasu baieztatu zituzten EAEn: 4 Bizkaian eta 15 Gipuzkoan, baina, Bergarakoa da Debagoieneko kasu bakarra. Dagoeneko, Bergaran, 57 kasu erregistratu dira, eta datuek erakusten dutenez, 1.000 biztanletik ia 4 dira gaixotu direnak.
Bestetik, 701 test azkar ere egin ziren, eta serologia bidez 50 kasu baieztatu zituzten atzoko egunez. Bestalde, negatibizatutakoak 21 izan ziren.
Ospitaleei dagokienez, berriz, 2 alta eta 2 ospitaleratze izan ziren, eta ez zen heriotzarik erregistratu.
Bestetik, oinarrizko birsorkuntza tasa edo R0 datua 1,54koa da, EAEn. Zifra horrek erakusten du pandemia hedatu egin zela atzoko egunez, eta kutsatutako pertsona batek, batez beste, pertsona bat edo gehiago kutsa ditzakeela.
Nafarroan 3 kasu berri
Nafarroako Osasun Sailak jakinarazi duenez, 3 positibo berri hauteman dituzte atzo egindako PCR probek. Bestetik, ez da heriotzarik ezta ospitaleratze berririk ere erregistratu.
>Grafiko guztiak modu interaktiboan ikusi hemen.
