Aretxabaletako GSR egoitzakoa izan da kutsatuta jarraitzen zuen adineko egoitzetako pertsona bakarra, eta Eibarko Ospitaleko solairu soziosanitarioan artatua izan da. PCR negatiboa eman du gaur, eta datozen egunetan etxera itzuliko dela jakinarazi du Eider Mendoza bozeramaileak: "Oso positiboa da egoitza-sareak COVID-19 kasu positiborik ez izatea, eta zentro guztiek errealitate berrira jo ahal izatea; baina are garrantzitsuagoa da segurtasun eta prebentzio neurriak zorrozten jarraitzea, zentro guztiek birusik gabe jarrai dezaten".
65 zentrok eta 5.425 plazak osatzen dute sarea, eta Mendozaren esanetan, koordinatuta jarraituko dute, "azkar eta eraginkortasunez jokatzeko".
