Ez da positibo berririk atzeman Debagoienean

Euskal Autonomia Erkidegoan 4 dira hautemandako positiboak: 1 Araban eta 3 Gipuzkoan. Halere, horietako bat bera ere ez da bailaran atzeman. Horrez gain, pertsona bat zendu zen atzo COVID-19a dela-eta.

Hamar egun igaro dira bailaran PRC bidezko positiborik atzeman gabe, baina atzo egin zituzten 1.637 probek 4 positibo berri hauteman zituzten EAEn. Bestetik, Osasun Sailak adierazi duenez, negatibizatutako kasuak 9 izan dira. Test azkarrei dagokienez, 74 egin zituzten atzo, eta serologia bidez kasu bakarra atzeman zuten.

Ospitaleetan, egoera berdin mantendu da: ez da altarik ezta ospitaleratze berririk egon, eta ZIUn 6 dira ingresatuta jarraitzen dutenak.

Heriotzei dagokienez, pertsona bat hil zen da Koronabirusa dela-eta, eta guztira, Hego Euskal Herrian, 2.140 lagun zendu dira pandemiaren eraginez.

Oinarrizko birsorkuntza tasa edo R0 datua 0,74koa da; hala, EAEn ez da azken orduetan pandemia hedatu.

Nafarroan, 4 kasu

Nafarroako Gobernuak adierazitakoaren arabera, 4 izan dira azken orduetan hautemandako positibo berriak, eta ez da heriotzarik erregistratu.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.