4.386 PCR proba egin ziren atzo EAEn, eta guztira 16 kasu berri atzeman zituzten: 9 Gipuzkoan, 4 Araban eta 1 Bizkaian, baina lurralde horietatik kanpoko beste 2 kasu ere hauteman dira EAEn. Halere, seigarren egunez jarraian, ez da kasu berririk atzeman Debagoienean.
Test azkarrei dagokienez, 327 egin zituzten atzo, eta 43 emaitza positibo baieztatu dituzte. Osasun Sailak, ordea, ez du jakinarazten non jasotako datuak diren, beraz, ezin da jakin bailaran serologia bidezko positiborik atzeman den.
Ospitaleetan, 5 alta eman zituzten atzo eta 2 ospitaleratze berri izan ziren PCR probetan positibo eman ostean.
Heriotzei erreparatuta, pertsona bat zendu zen atzo Koronabirusa dela-eta, eta dagoeneko, Hego Euskal Herrian, 2.127 dira erregistratu diren heriotzak.
Bestetik, oinarrizko birsorkuntza tasa 0,97koa da, eta horrek esan nahi du, 1etik gertu egonda, kutsatuta dagoen pertsona bakoitzak ia beste pertsona bat kutsa dezakeela.
Nafarroan, 9 kasu berri
Nafarroan 9 positibo hauteman dituzte PCR bidez. Opitaleetako egoerari dagokionez, 29 pertsona daude ingresatuta eta horietatik 2 ZIUn daude.
Bestetik, 13 egunez jarraian ez da heriotzarik erregistratu Nafarroan.
