Nekane Murga Osasun sailburuak eman ditu datuak Osakidetzako farmazia zuzendari Iñaki Betolazarekin batera. Aipaturiko PCR bidezko 16 positiboei dagokienez, 3 dira Arabakoak, 9 Bizkaikoak eta 4 Gipuzkoakoak. Debagoienean pandemiaren hasieratik zenbatu diren kasu positiboak 450 dira, Bergarako azken hori batuta. Heriotza berririk izan ez denez, EAEn hil diren pertsonen kopuruak 1.603 jarraitzen du izaten.
Bestetik, 40 positibo negatibizatu dira; alegia, PCR negatiboa atera zaie gaixotasuna hartu ondoren. Gainera, 12 lagunek jaso dute ospitaleko alta azken orduetan. Oinarrizko birsorkuntza tasa 0,95ekoa da gaur.
