Test azkarrak 376 izan ziren, eta 34 kasu baieztatu zituzten; dena den, Osasun Sailak ez du adierazten non hautemandakoak diren, eta beraz, ezin da jakin bailaran serologia bidez baieztatutako kasurik ote dagoen. Bestetik, 45 kasu negatibizatu ziren atzo.
Ospitaleen egoera dela-eta, 6 alta eman zituzten, eta 3 pertsona gutxiago daude ZIUn –guztira, orain 13 daude–. Halere, PCR positibodun ospitaleratze bat ere erregistratu zen atzo.
Heriotzei dagokienez, 5 lagun hil dira azken orduetan, eta guztira, momentura arte jasotako datuen arabera, Hego Euskal Herrian 2.114 lagun zendu dira.
Birsorkuntza tasa 1etik behera
Azken asteko oinarrizko birsorkuntza tasak hobera egin du, eta gaur aditzera eman dutenez, 0,96koa da. Horrela, zifra 1etik beherakoa izateak adierazten du pandemia ez dela hedatzen ari.
Nafarroan, 6 positibo
Nafarroako Gobernuaren arabera 6 positibo erregistratu ziren atzo PCR bidez eta 26 proba serologiko bidez. Heriotzei dagokienez, ez zen datu berririk erregistratu; azken bost egunetan ez da Koronabirusa dela-eta inor zendu.
