Espainiako Gobernuak ekainaren 21era aurreratu du Schengen eremuan daude herrialdeekiko mugen irekiera –Portugalekin uztailaren 1ean mugak zabaltzea adostu du Espainiak–. Ondorioz, Ipar eta Hego Euskal Herriaren arteko muga bihar zortzi irekiko da, alarma egoeraren amaierarekin bat eginez. Sanchez presidenteak esan du pandemiaren bilakaera ona ikusita hartu dutela erabakia. Beraz, ekainaren 21etik aurrera, Europako estatukideek altxatu egingo dituzte muga-kontrolak eta Espainian bertan behera geratuko da kanpotik zetozen pertsonek ezinbestean bete beharreko berrogeialdia.Espainia barruan ere hilaren 21ean irekiko dira erkidegoen arteko mugak.
Shengen eremua
Hauek dira Shengen eremua osatzen duten herrialdeak: Alemania, Austria, Belgika, Danimarka, Eslovakia, Eslovenia, Espainia, Estonia, Finlandia, Frantzia, Grezia, Hungaria, Islandia, Italia, Letonia, Liechtenstein, Lituania, Luxemburg, Malta, Norvegia, Herbehereak, Polonia, Portugal, Suedia, Suitza eta Txekiar Errepublika.
Azken telebilera
Azken telebilera du gaurkoa Sanchezek autonomia erkidegoetako presidenteekin; guztira hamalau egin dituzte. Uztaila amaieran, aurrez aurre batuko direla iragarri du Espainiako presidenteak.
