Bailaran ez dago PCR bidez atzemandako kasurik, ez baita positiborik erregistratu ez Gipuzkoan eta ezta Araban ere. Serologia bidez atzemandakoen inguruan berriz, ezin da jakin Debagoienean kasurik dagoen, Osasun Sailak ez baitu esaten non atzematen diren emaitzak.
Ospitaleetako egoerari dagokionez, 8 alta eman zituzten atzo eta 4 lagun ospitaleratu zituzten PCR positiboarekin. Ezeztatutako kasuak berriz, 53 izan dira.
Bestetik, R0 edo birsorkuntza tasa 1,67koa da, eta beraz, oraindik arriskua dago kutsatutako pertsona btek beste pertsona bat edo gehiago kutsatzeko.
Bukatzeko, 3 heriotza berri erregistratu ziren atzo. Guztira, Hego Euskal Herrian 2.104 lagun hil dira dagoeneko.
Nafarroako datuak, eguneratzeke
Ministerioak aurreratu duenez, atzo PCR bidez lau positibo berri atzeman ziren Nafarroan. Bestetik, heriotzarik erregistratu ez zela esan dute. Halere, Nafarroako Gobernuak ematen dituen datuak ere txertatuko ditugu albistean horiek jaso ahala.
