Hemen Debagoiena saio berezian Santa Ana aretotik zuzenean izango da Txomin Madina aurkezlea. Hiru gonbidatu ere izango dira: Jerardo Elortza historialaria, eta Marilo Unzurrunzaga eta Maribi Korkostegi kofradiakideak. Kofradiari, Oñatz Dantza taldeari eta herrian dauden santuei buruzko erreportajeak ere ikusgai izango dira saioan zehar. Hori gutxi balitz, 1991. urteko Corpus Eguneko irudiak ere ikusi ahal izango dira.
Bihar, egubakoitza, 18:00etan izango da saioa, eta 20:00etan eta 22:00etan errepikapenak eskainiko dituzte.
Horretaz gain, Corpus Eguneko meza nagusia ere zuzenean eskainiko dute Goiena telebistak eta Goiena.eus-ek; domekan, 12:00etan izango da meza. Errepikapenak 18:00etan eta 22:00etan eskainiko dituzte telebistan.