PCR bidezko kutsatze berririk ez, Debagoienean

Uxue Igarza Loiola 2020ko eka. 8a, 13:02

Birsorkuntza tasa 1,19koa da EAEn, eta horrek aditzera ematen duenez, kutsatutako pertsona batek beste bat kutsatu dezake batez beste. Halere, heriotza bakarra erregistratu zen atzo, eta PCR bidezko 8 positibo atzeman ziren.

1.046 PCR eta 57 test azkar egin ziren atzo, eta 8 positibo berri hauteman zituzten PCR bidez; 7 Bizkaian eta 1 Araban. Bestetik, serologia bidez 3 kasu atzeman zituzten, baina Osasun Sailak ez du horien inguruko zehaztapenik egiten, beraz, ezin da jakin zein lurraldetan hautemandakoak diren. Bestetik, pertsona bat zendu zen atzo, eta 16 pertsonak gainditu zuten gaixotasuna.

Birsorkuntza tasa, 1etik gora

Oinarrizko birsorkuntza tasa 1,19koa izan zen atzo. R0 izeneko tasa horrek kutsatutako pertsona batek zenbat kutsatze eragin ditzakeen kalkulatzen du. Hala, 1etik gorakoa bada, birusa ugaltzen ari dela ondorioztatu daiteke, kutsatu batek batez beste pertsona bat edo gehiago kutsa ditzakeelako. Azken asteetako joera ona izan bada ere –0,60 eta 0,80 artekoa–, atzoko egunean, esan bezala, 1,19ko datua erregistratu zen.

8 positibo, Nafarroan

Ministerioak eman dituen datuen arabera, 8 positibo berri hauteman zituzten atzo PCR bidez, eta bestetik, azken egunetako joera jarraituz, ez zen heriotza berririk erregistratu.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak