COVID-19 gaitza atzemateko 4.009 proba egin zituzten atzo guztira EAEn, horietatik 2.708 PCR bidezkoak izan ziren eta 1.301 test azkarrak; azken proba horiek hartutako immunitatea edo pertsona batek sortutako antigorputzak neurtzen ditu, eta dagoeneko pasatuta dagoen infekzio bat adieraz dezakete.
Atzo beste zazpi heriotza erregistratu ziren eta guztira, 1.571 pertsona dira hildakoak orain arte. Gainera, hamazazpi pertsona daude ZIUn, aurreko egunean baino lau gutxiago.
EAEko osasun eremuetan hildakoen berri ere eman du Osasun Sailak, eta ekainaren 4a bitartean metatutako datuak honako hauek dira –Osasun sistema publikoko datuak bakarrik–:
| Osasun eremua | Positiboak | Hildakoak | Hilkortasun tasa |
| Arrasate | 271 | 31 | 11,44 |
| Bergara | 75 | 1 | 1,33 |
| Oñati | 92 | 21 | 22,83 |
| Leintz bailara | 65 | 5 | 7,69 |
Datuen tendentzia ona nabarmendu du Murga Osasun sailburuak, eta "normaltasun berrirako pausoak" txalotu baditu ere "honaino zelan iritsi den ezin dela ahaztu" aipatu du.
Nafarroan, ostera, hamar kasu positibo atzeman dituzte PCR bidez Espainiako Osasun Ministerioak aditzera eman duenez. Heriotzarik, ostera, ez da izan.
