Adineko pertsonen egoitzetako azken orduetako egoeraren berri eman du Foru Aldundiak: ez da izan kutsatze berririk, ezta heriotzarik ere, eta Donostiako Berran gaixo zegoen egoiliar bakarrak senda-agiria jaso du. Hala, Aretxabaletako GSR Debagoiena da COVID-19a gaitzak jotako adinekoak dituen Gipuzkoako egoitza bakarra; hamabi dira hain zuzen, kutsatuak.
Dagoeneko 23 egun dira jarraian COVID-19 dutenen heriotzarik eman ez dela Gipuzkoako adinekoen egoitzetan Aldundiak jakitera eman duenez.
Gaur gaurkoz, 383 adineko pertsonek gainditu dute gaixotasuna (%68,2), 167 pertsona hil dira (%29,7) eta hamabik jarraitzen dute diagnostiko positiboarekin (%2,1). GSR Debagoienako gaixo horiek ez dutela ospitaleko arretarik behar adierazi dute Aldunditik, guztiak daude egoitza-zentroan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
