Elkarteak osasuna jarri du erdigunean eta horregatik, indarrean dauden neurri zein aholkuekin espedizioa aurrera eramatea ezinezkoa delakoan dago, egitasmoaren helburuak ezin izango direlako erdietsi. Izan ere, elkarteak gogora ekarri du, espedizioaren "indar handiena" partaideen artean sortzen den "harremana eta hurbiltasuna" direla.
321 gaztetxo
3. edizio honetarako 321 gaztetxok eman zuten izena, baina elkartea ez da horiekin ahaztu eta datorren urterako gordeko ditu 2004an jaiotako gazteek egindako proiektuen ebaluazioen emaitzak. Gauzak horrela, datorren ediziorako matrikulazioa 2004an eta 2005ean jaiotako gazteei zuzenduta egongo da. Elkarteak jakinarazi du baita ere, 2003an jaiotakoekin harremanetan jarriko dela erantzun bat emateko.
Aurtengo jarduerak
Elkarteak bere baloreak gazteei transmititzeko lanean jarraituko du eta aurtengo aisialdi beharrak osatuko dituen jarduerak pentsatuko ditu.
