Plataformak egoerak hobera egin badu ere, oraindik arazoa konpondu ez dela adierazi du. Horrekin batera, aipatu du, elkarretaratzeak egiteko deialdia egin dutenek ez dutela kontuan hartu gaur egun bizi den egoera.
Bat Etorrik ez du ahaztu duela bi urte hasitako aldarrikapena, baina plataformen jarrera egoera berrira moldatu beharko delakoan dago, besteak beste, osasun publikoa indartzea eta zahar etxeen kudeaketaren aztertzea.
Gauzak horrela, plataformak gizarteari mezu bat bidali nahi izan dio: "Pentsiodunak talde arduratsua gara. Solidarioak gara eta ez dugu gure osasuna baztertuko beste interes ekonomiko edota politikoengatik".
Azkenik, plataformak gogora ekarri du, koronabirusaren aurrean pentsiodunen taldea zaurgarriena dela eta osasun alorreko adituek emandako aholkuak jarraitu behar direla.