Beste egun batez, ez da PCR bidezko positiborik atzeman Gipuzkoan

Grafiko guztiak Goiena.eus webguneko 'azken datuak' atalean.

3.172 PCR egin dira azken orduotan, eta horietatik 13k eman dute positibo: 4k Araban eta 8k Bizkaian. Bestetik, 13. positiboa ez da EAEko biztanlea, baina Erkidegoan egin diote proba. Horrela beraz, Gipuzkoan ez da egon PCR bidez atzemandako positiborik.

Test azkarrei dagokienez, 1.068 proba egin ziren atzoko egunean, eta horietatik 104k eman dute emaitza positiboa. Halere, Osasun Sailak ez du informazio zehatzagorik gehitzen test azkarren kasuan, eta beraz, ezin da jakin Debagoienean gisa horretako probekin positiborik hauteman ote den.
 
EAEko egoera orokorrari erreparatuz gero, gaixotasuna gainditu dutenen ehunekoak gora egiten du, egunetik egunera; dagoeneko, Koronabirusa izan duen %88,8 sendatu da. Azken orduetan, 233 izan dira osatutakoak, eta 3, ospitaleratutakoak. Gaixorik jarraitzen dutenak 669 dira; hain zuzen ere, gaixotasuna izan duten %3,5.  Bestetik, atzo zenbatutako heriotzak 4 dira, eta horrenbestez, %7,7a osatzen dute zendutakoek. Orain arte, Euskal Autonomia Erkidegoan, 1.487 lagun hil dira eta 17.098 sendatu dira.
 

Nafarroa

PCR bidez 5 positibo hauteman dira eta guztira 5.200 dira orain arte COVID-19 gaitza hartu dutenak. Bestetik, 2 lagun hil dira; guztira 508 pandemiak hasi zenetik.

>Grafiko guztiak modu interaktiboan ikusi hemen.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.