Aurreko egunean baino 1.344 PCR proba gehiago egin dira azken orduetan EAEn, eta ondorioz, hautemandako positibo kopuruak ere gora egin du; 13 izan dira Araban, 12 Bizkaian eta 1 Gipuzkoan. Datuek erakusten dutenez, Gipuzkoan PCRak atzemandako positiboa ez da Debagoienean izan. Test azkarren kasuan ordea, hauteman diren 112 positiboei dagokienez, Osasun Sailak ez ditu lurraldeetako eta herrietako datuak argitaratzen, eta beraz, ezin da jakin Debagoienean test azkar bidezko diagnostiko positiborik egin ote den.
Sendatutakoei dagokienez, beste 301 lagunek gainditu dute gaixotasuna EAEn; dagoeneko, %87,8ak. Bestalde, heriotzek gora egin dute, atzoko datuen arabera 3 lagun zendu baitziren, eta gaur 10.
Nafarroako datuak, beranduago
Gaurtik aurrera, Nafarroako Gobernuak ohi baino beranduago emango ditu Koronabirusaren bilakaeraren inguruko datuak. Guztira, 5 positibo berri hauteman dira Nafarroan, azken orduetan, eta 3 ospitaleratze berri erregistratu dituzte, PCR bidezko diagnostikoa egin ostean. Bestetik, ez da heriotzarik izan.
>Grafiko guztiak modu interaktiboan ikusi hemen.
