Eider Mendoza foru bozeramaileak aditzera eman duenez, Gipuzkoako egoitzetan azken astean ez da inor hil koronabirusak jota. Hala ere, azken bi egunetan lau lagunek eman dute gaitzean positibo, eta beste lau adineko sendatu egin dira –horietako 2 Aretxabaletako GSR Debagoienan–.
Mendozak adierazi moduan, azken astean ez da heriotzarik eman. Bestalde, azken bi egunetan mediku alta jaso duten pertsonak Aretxabaletako GSR Debagoienan (2) eta Donostiako Berra zentroan (2) bizi dira.
363 adineko, sendatuta
Gaur arte, 363 lagunek gainditu dute koronabirusa, 167 zendu dira eta 32k diagnostiko positiboarekin jarraitzen dute. Horretaz gain, bost dira egun kasu aktiboak dituzten zentroak, eta 11 egoitza dira gaitza atzean utzi dutenak: Tolosako Iurreamendi, Eibarko Egogain, Irungo Caser Residencial Anaka, Zarauzko Santa Ana, Hondarribiko Caser Residencial Betharram, Zumaiako Otezuri, Donostiako Aita Etxe, Beasaingo Arangoiti, Donostiako La Paz, Ordiziako San Jose eta Zumarragako Argixao.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
