Eider Mendoza foru bozeramaileak aditzera eman duenez, bosgarren egunez jarraian ez da kasu positibo berririk ezta heriotzarik atzeman Gipuzkoako egoitzetan. Horretaz gain, adierazi du beste adineko bat sendatu dela azken orduetan; Donostiako Berra egoitzan.
359 adineko, sendatuta
Orain artean 359 adineko pertsonek jaso dute mediku alta, 167 zendu dira eta 32k jarraitzen dute diagnostiko positiboarekin. Beste alde batetik, bost dira egun kasu positiboak dituzten zentroak. Koronabirusa atzean utzi dutenak, aldiz, hamaika egoitza dira: Tolosako Iurreamendi, Eibarko Egogain, Irungo Caser Residencial Anaka, Zarauzko Santa Ana, Hondarribiko Caser Residencial Betharram, Zumaiako Otezuri, Donostiako Aita Etxe, Beasaingo Arangoiti, Donostiako La Paz, Ordiziako San Jose eta Zumarragako Argixao.
