65 zentro dira guztira eta 5.425 plaza dituzte, baina azken orduetan ez da heriotzarik eta kutsatzerik egon Gipuzkoako egoitzetan. Azken datuen arabera, 12 dira kasu positiboak dituzten egoitzak: guztira, 55 lagun daude kutsatuta, eta horietatik sei Donostiako Gurutze Gorriaren zentro soziosanitarioan daude eta beste 12 ospitaleetan.
Martxoaren 26tik jasotako daturik onena dela esan du Foru Aldundiak, izan ere, beste pertsona bat sendatu da; dagoeneko 336 dira sendatu diren egoiliarrak, hau da, gaixotutakoen %60 baino gehiago.
Egoera “nabarmen” hobetu dela, adierazi du Eider Mendoza foru bozeramaileak baina oraindik ere neurri guztiak zorrotz betetzen jarraitu behar dutela azaldu du: “Arduraz eta zuhurtziaz jarraitu behar dugu lanean, gure erabateko lehentasuna baita adineko pertsonen osasuna babestea”
